Atualità / Actualité/Cultura / Culture/Lenga nissarda / Langue niçoise/Teatre / Théâtre

Encà mai estraourdinari que Don Camillo en Russìa.

Li es quauqu mes d’acò, un jouve que li dihon Cagnoli (ingeniour, reviradour, escrivan…) a sounat lou president doù teatre Nissart de Francis Gag per counvidà la chourma à jugà ai counfin d’en Russìa.

« Cen qu’es aqula menchounada? », s’es pensat lou president qu’era à doui det de lou mandà au bouòsc.

Urouhamen, aquéu jouve Cagnoli era armat de courage, a pas laissat calà e vequì la estraordinaria istoria que li cuntet:

« Lou teatre naciounal de Syktyvkar, en la repùblica Komi(veire mapa) alestisse un festenau per l’aniversari de la mouòrt de Tounin Tchekhov e voù counvidà una chourma fourastiera. Coura eri à Paris, ai trouvat la vouòstr’adatacioun de « Una demanda en matrimoni« . La pourries jugà alhà, en repùblica Komì. Se sias d’acordi, lou diéu au teatre qu’ourganisa, perfin que vi counvide d’un biais mai ouficial. »

« Segur, segur.., s’es pensat lou president. Anen asperà… »

Sabi pas se lou president s’es cresut sus lou coù cen que venìa de dire lou brave Cagnoli, ma l’idea a deugut mai o proun lou travalhà.

Cau dire qu’aquela peça fouguet creada en Nissart per lou proumié coù en lou 2006, ma qu’era tourna mai prevista aquest’an, en lou 2009, per acoumpagnà « Ensin va la vida ». La distribucion era dounca facha e lu atour eron ja à s’alestì.

E pi, fin finala, aquéu Cagnoli era pas tan un tabalori qu’acò e lou teatre Komì mandèt la counvidacioun ouficiala.

Réunioun estraordinaria, touta la chourma arecampada…cau pilhà una decisioun!

Lu atour soun, segur, embalat cadun s’enmaravilhà d’aquéu camin que la peça avìa fach:

escricha da Tchekov en rùssou en lou 1888, adatada da Laurent terese en Nissart(lou testou en ligna), estampada, croumpada da una librarìa parisenca, e fin finala croumpada da Sebastien Cagnoli, un jouve Nissart doutourant en lenga finno-ougrienna(clicas).

Ahì, un estudiant en lenga finno-ougrienna e ren en rùssou.

Perque cau dire qu’aquela repùblica es bilenga.

Parlon rùssou, qu’es la lenga ouficiala de la federacioun rùssa ma, la siéu lenga istorica es lou Komi, lenga de la familha finno-ougrienna (couma lou finnès) qu’es ancuèi ouficiala en lou païs Komi.

E aquéu bilengüisme permite au teatre de Syktyvkar de s’equipà en casc perfin qu’aquelu que capissoun pas la lenga, pousquesson audì la revirada « en live » couma si di en francès.

Lu atour de Francis Gag  jugueran dounca en Nissart davant de russofònou e de komifònou!

Laurent Térèse(autour) e lu doui jouve atour Angelica Marçais e Fred Béubouòsc da l’oste de la merìa de Syktyvkar.

Ma perque cunta aquela istoria que si debanet doui an fa?

Primou, perque en nouvembre, aquéu Cagnoli, publiquèt un parangoun, una coumparesoun tra un autour Nissart et un autour Komi: Ńobdinsa Vittor et Francis Gag Le théâtre au service de la langue.

Aquéu libre es propi da liege perque au fiéu de la letura, lou parangon tra doui autour proun diferent deven evident.

Doui, perque l’accusacioun doù coumunautarisme n’en cala souventi-fes sus la nouòstra testa, à, nousautre militant per li lenga. E aquela istoria, aquéu viage de l’autre mounde, prova ben que sian pas plegat sus la nouòstra Countea, que la nouòstra counouissença de la nouòstra lenga,de la nouòstr’istoria, nen permite, au countrari de si durbì sus lou mounde.

Sus d’aqueli belli paraula, amic letour, ti laissi que lou souòn mi pougne.

Chau e viva!

Seguran

DICTIONNAIRE FRANCAIS – NICOIS

Da veire:

lou sìtou doù teatre de Francis Gag

lou sìtou de Sebastien Cagnoli

Publicités

3 réflexions sur “Encà mai estraourdinari que Don Camillo en Russìa.

  1. Pingback: Chicoulata e virtu – Teatre Nissart de Francis Gag | La Countea : le blog du Comté de Nice

  2. Pingback: Amitiés nissardo-komies | La Countea : le blog du Comté de Nice

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s