Crònica / Chronique/Lenga nissarda / Langue niçoise/Musica / Musique/Umour / Humour

Per quoura un CD de varietà en Nissart?

Nolwenn a sourtit lou siéu album « Bretonne » que marcha propi ben doun repilha de vielhi cansoun en bretoun e en francès.Finda nousautre aven la nouòstra « star’academiciana » (Bessai qu’en bouòn Nissart caurìa dire « estel’academiciana »): Jenifer!

Lou siéu darrié album a fach una pastissada e lu 500 000 vèndita de « Bretouna » li douneran bessai l’envuèia de registrà « Nissarda ».

Ma lou proublema es que Jen a ja chausit lou siéu camp: se canta un jour en una lenga minorisada, serà en Corsou: Jenifer vole fà un album in lingua corsa.

Finda ela a chapat la maladìa de la mitan d’aquelu qu’an fach una tv-realità: un coù soun Nissart, un coù soun Corsou.

Qu soubra aloura?

Rose?

Que, apres la siéu lista en francès n’en farà un catalògou en Nissart. Ai ja d’idéa per ela:

Anà dau pintre
Bèure un gotou de bellet
Faire bus de ren
Croumpà lou can de Basso
Liege « la Countea »
Pilhà lou tram

Es acò que vouòli faire à Nissa.

Dick Rivers?

Aquéu, moun paigran a jamai pouscut lou sudurà perque avìa vendut la boucherìa de la familha per anà faire lou bulou à Paris.

Jean-Felix Lalanne?

Lou fraire de l’autre.

Bessai que tout ai doui n’en pourren faire un duò sus en « Calant de Cimiez eme li miéu cuissarda »

Fin finala, mi cresi que va pu ben de denembrà aqueli mouninarìa e d’anà escoutà:

Nux Vomica

Lu Rauba capéu

e soubretout de croumpà lu album en souscricioun:

de Mauris

doù Mago d’en Castéu

Chau e viva!

Dictionnaire français-nissart !

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s