Atualità / Actualité/Cultura / Culture/Lenga nissarda / Langue niçoise

Un’applicacioun per revisà lou bac!

Bouòn va ben, es pas propi un’applicacioun, es un article sus laCountea.com ma pouòs li anà despi lou tiéu camalable « new generacioun »!

Coum’acò lu licéan pouòdon revisà fin au darrier moumen (en lou couredou doù licéu, 5 minuta denant de ientrà en la sala d’esam) e lu parent si fermoun de rougnà quoura vehon lu siéu enfant pegat au cellulari.

Dounca, la seguida (e la fin dei testou do bac 2011):

Testou liegiut:

Courre pichoun de Christian Bezet

En calant de cimiés de Jouan Nicola

Tu e iéu d’Alan Pelhon

La fònt au mitan de Christian Bezet

Lu testou escrich:

Tu e ieu

Tu e ieu en la soufieta*

Tout’una nuech a calignà

Tu e ieu en la soufieta

Tout un jour per pantalhà

Tu e ieu en la cambreta

E lou mounde pòu s’encalà

Tu e ieu en la cambreta

E lou relori* pòu s’arrestà

_________________________

Tu e ieu en lou silenci

Emé la jòia tout alentour

Tu e ieu en lou silenci

Lu nouòstre còrs mesclat d’amour

Es damount souta li teule*

Qu’es naissut lou nouòstre amour

Es damount souta li teule

Qu’ai emparat* lou mòt amour

Esta-ti encara damount

Alan Pelhon (1946 – 1994) ; Vi Devi parlar ; La Dralha, 2004.

En calant de Cimiès

Siéu un gros malurous            En calant de Cimiès                     E despì d’aquèu jour

Escoutas jouventura               Souta d’una figuiera                    Pensi à l’infidela

Siéu estat amourous               Ai rescountrat                               Nouré En regretant toujour

N’ai augut d’aventura            ‘Mé la miéu calignera                    La siéu fin tan crudela

Un jour ai cougourdoun          Acò-t-es un destin                        En lu prat de Cimiès

Ai gastat la miéu vida             Que lou bouòn Diéu nen douna   Vau pourtant la miéu pena

Despì de l’abandoun               Ai pilhat lou fusiéu                         En plourant lou malur

De la miéu Margarida            Ai tuat la pichouna                         Doun lou destin nen mena

J.Nicola

Courre pichoun

Lu pen dins una louòna à ti bagnà fin au cùou

A ti roulà dins lou bachàs per ti fà una fourra de rire

Sensa pensà a ren, sensa pensà à mau

E se ti fas chinchà per ta maire, cau cantà

Courre pichoun, courre que la vida noun t’arreste

Courre pichoun courre. Noun ti laissà agantà

La testa dins lou juèc à ti rire fin à toujour

Quoura apuiat sus la taula vées pas lou tiéu quadern

Sensa pensà à ren, sensa pensà à mau

E se mi mèti à cridà couma un fouòl

Quoura mèti dei làgrima dintre lu tiéu uès

Quoura t’estoufi de counsèu per lou tiéu ben

Sensa pensà à ren, sensa pensà à mau

Mi pilhes la man e mi dihes

Courre papà, courre. Que la vida noun t’arreste

Courre papà, courre. Noun ti laissà agantà.

Christian Bezet.

Corre pichon

Lu pens dins una lòna a ti banhar fins au cùou

A ti rotlar dins lo bachàs per ti far una forra de rire

Sensa pensar a ren, sensa pensar à mau

E se ti fas chinchar per ta maire, cau cantar

Corre pichon, corre que la vida non t’arreste

Corre pichon corre. Non ti laissar agantar

La testa dins lo juèc a ti rire fins à totjorn,

Quora apuiat sus la taula vées pas lo tieu quadern

Sensa pensar a ren, sensa pensar a mau

E se mi meti a cridar coma un fòl

Quora mèti dei lagrimas dintre lu tiéu uèlhs

Quora t’estofi de consèus per lu tiéu ben

Sensa pensar a ren, sensa pensar a mau

Mi pilhes la man e mi dihes

Corre papà, corre. Que la vida non t’arreste

Corre papà, corre. Non ti laissar agantar.

Christian Bezet.

LA FÒNT AU MITAN

Lo matin s’es pauat com’un jorn de vacanças
Dins l’aléa dau parc, naisson li aventuras
Sus lo banc barotlier, ti regarji pichon
Siás au país dei juecs
Emb’ai tieu cambas corti

E la fònt au mitan dont vas a t’abeurar
Es un chícol tròup auta
Venes a mi cercar, beves emb’ai mans

Un velociraptor, toti àrpias sortidi
Rescòntra un indian qu’a ganhat la guèrra
Un chivalier espacial per sauvar la Tèrra
Pica morre en tèrra e si fa consolar

E la fònt au mitan dont vas a t’abeurar
Es un chícol plus bassa
En ti clinant un pauc, beves coma vòles

Lo sera es vengut e m’emplissi de tu
Dins l’aléa dau parc es totjorn li vacanças
Ti regarji pichon fier com’un Artaban
Percorres la vida, emb’ai tieu cambas lòngui

E la fònt au mitan dont ti siás abeurat
Es esquasi eterna
Li revendràs bessai
per cercar lo gust de l’aiga

Christian BEZET

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s