Noun, ancuei vi vau pas parlà dei noum dounat ai maioun, ma dei noum de familha, sounat en Nissart « noum de maioun »

Quoura audès un noum de maioun, nourmalamen poudès saupre de doun ven la persouna:

« Le Floc’h » da segur es un Bretoun.

« Etxeberri », meti la man au fuèc qu’aquéu es Bascou.

« Santoni » té, un Corsou!

E pura à Nissa, de noum de maioun Nissart (fouòra bessai de Mangiapan), n’i a pas tan qu’acò. Lu Bessi, Mossa, Musso, Fossat, Orengo, Sauvaigo, Fulconis, Malaussena soun estat negat tra lu noum italian e francés!

Segur, li soun de noum ben counouissut à Nissa : Damiano, Bastian(countrari),

e finda en la countea : se vehès un Saramito, poudes estre segur que cala de Sousper.

Giuge? Ven d’en Vesubìa!

Ma semblon escasi toui en de noum italian o de noum francés.

Lou proublema es que lu nouòstre noum soun estat italianisat (l’italian es estat lenga administrativa à Nissa) o galicisat*, o encà italianisat E galicisat!

Qu counouisse moussù Bourilloun? Degun. Aloura italianisas-lou: Borriglione (à prounounçà Borrillione) e dihès-lou coum’un francès e vequì Borri-gli-one lou consou*, aquéu doù boulivard.

Li es aribada pariera maufourtuna au paure Chais (tchaïs) d’en Vesubìa. Lou siéu noum es estat escrich en grafìa italiana Ciais e prounounçat ancuei couma de francès, lou paure Chais es vengut « Ciès ».

E d’esemple de revirada o de transcricioun en grafìa italiana n’ia touplen: Jaume (Jacques en francès), es vengut Giaume dich Jiôme (en plaça de djawme).

Aloura, nissardisas lou vouòstre pichin noum e lou vouòstre noum de maioun!

Michel>Miquéu Dupont>Doùpouònt

François>Choab Giordano>Jourdan

Lebois>Loubouòsc etc…

*lessicou

galicisat = francisat

consou = mèra