Atualità / Actualité/Crònica / Chronique/Lenga nissarda / Langue niçoise

OGCNissa: mai qu’un club?

La febre de la puhada* en D1 es passada despì un béu moument e aven un poù lou sentimen que lou Gym noun creisse: fen pus de proumiera partida de campiounat de l’autre mounde, si sauven toujour à una o doui journada de la fin…

Li es pus gaire que la coupa de la liga (liga que pouden pas sudurà eme l’autra bambana de Thiriez e li siéu baffi) per nen faire un poù vibrà.

E s’ajougnen à tout acò la dissolucioun de la BSN…

Es ver li es un poù de noù:

-lou president ven de chanjà, bessai que pourrà dounà un poù d’abriva au club. Ma mi maufidi toujour, perque siéu pas tan vielh ma de president n’ai counouissut. Toui lu Sensi, Pastorello que s’en batìon doù gym e que venguèron per s’enriquì un pau mai sus la keute d’azur. Au mancou, Rivere es mai o proun d’aquì. Veiren ben…

-lou GSN. Per una cagada, lou gran estadi n’es una. Capissi toujour pas lou ligam tra l’estadi e lu jugaire. Mi poudès dounà lu soulié de Messi e mi laissà emb’un baloun touta la nuèch en lou Camp Nou, Old Trafford o sabi pas doun que juguerai pas pus ben qu’à l’oli. Quoura lou Ray serà destruch e que lou GSN serà vuèi auren pus que lu uès per si plourà (Ray e basta!).

Que soulucioun aloura per dounà l’envuèia ai gent de venì à l’estadi?

OGCN, mai qu’un club?

Més que un club!

Aven un club poupulari que pourrìa estre diferent.

Despì toujou, lou gym es estat supportat dai Nissart. Aquelu que vivon à Nissa ma soubretout aquelu que parlon Nissart, que si senton Nissart, que soun estat alevat en bouoi Nissart.

Un poù couma lou Torino qu’es lou club dei Torinesi aloura que la juve es lou club dei gen doù sud, l’OGCN a pas voucacion à estre un club regiounal: es lou club de la vila e de la Countea.

Tout acò rapresenta tout de meme un cavagnoù de mai de 800 000 persouna (Nissa, couòla, mountagna, riba de mar coustà Vilafranca fin au Cau d’ae…). N’i a proun per emplì un estadi e croumpà de malha.

E se lou gym siguesse propi lou club de Nissa e pas un club de mai en la ligue 1 – pourtegal* à la limita de la franchisa americana?

Perque noun faire l’escoumessa d’un club emb’un’identità fouòrta ?
Perque degun utilisa propi aquela fibra Nissarda, tan au nivéu dei supporter que de la fourmacioun dei jugaire?

Li miéu inspiracioun soun segur lou Barça, lou club que fa la promocioun de la Catalougna, que juèga la champion’s league eme de jugaire catalan e d’estranger que parlon catalan. O encà, l’Athletic Bilbao, foundat dai Ingles e que n’engagia que de jugaire bascou.

http://www.sofoot.com/bilbao-retour-vers-le-futur-144606-article.html

E perque noun regarjà devers lou nemic de toujour, lou SC Bastia, que lou siéu entrenur (qu’es minga corsou) a decidat de metre de cours de corsou au centrou d’entrahinamen (soubretout que lu jugaire pro an lou tems).

Bessai que tout acò pourrà foundà un ver couletiéu e un ligam pu fouòrt tra lou club e lu supportaire.

Seguran (Nissa marìtima)

*puhada=mountada

*pourtegal significa « orange » en Nissart

Publicités

Une réflexion sur “OGCNissa: mai qu’un club?

  1. Mon amic,
    Soi plan d’accordì amb tu mai voldrai apportar quicòm mai.
    Ieu soi nascut en terras lengadocianas e non en terras nissardas pasmens soi un « fan » de l’OGCN. Soi un fan de l’OGCN per que l’OGCN es un club amb una anma, es un culb que vos pren al còr. Ieu pensi que l’OGCN es ara lo club que representa lo mai lo sud de la França e l’Occitania. Perque? Tot simplament per que l’OM s’es perdut dins lo « Foot Buisness » per que Bordeu es una « Villa de borgés » e fin finala per que Tolosa e son « Téfécé » n’an pas trop (encara) de carisme. L’unica club que pòt revendicar una pitchouna indentitea coma l’OGCN es lo club de Montpelhièr. Alara pensi que òc l’OGCN es mai qu’un Club mas malastrosament y’a degun per lo capitar….

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s